ԱՄՆ-ում տեղի է ունեցել Հովհաննես Բաբախանյանի դստեր պսակադրությունը, նա ներկայացել է Սայաթ-Նովայի կերպարով (Լուսանկարներ).

 

Օրերս Կալիֆորնիայի Սուրբ Մարիամ Աստվածածին հայկական եկեղեցում տեղի ունեցավ վերջին տարիներին ԱՄՆ տեղափոխված ՀՀ Վաստակավոր արտիստ Հովհաննես Բաբախանյանի ու դերասանուհի Մարի Մսրյանի ավագ դստեր՝ Լիայի պսակադրությունը: Դերասանների դստեր փեսացուն ևս ԱՄՆ-ում բնակվող Սարո Ստեփանյանն է:

 

Aysor.am-ի հետ հետ զրույցում Հովհաննես Բաբախանյանը մանրամասնեց՝ օտարության մեջ էլ իրենց զավակների հարսանյաց հանդեսը կայացել է հայկական ավանդույթներով, ամենագեղեցիկ անակնկալն էլ դստեր մուտքն էր՝ հարսանյաց զգեստով ու հայկական ավանդական հարսի պարով: Ի դեպ, երիտասարդ ամուսիններն արդեն հասցրել են միասին դպրոց հիմնել:

 

«Մեր ընտանիքն արդեն շուրջ 10 տարի է՝ այստեղ է՝ ես, կինս ու երեք զավակներս: Լիան ամուսնացավ, հիմա մեր կողքին են կրտսեր դուստրս՝ Էլլան, ու որդիս՝ Գոռը: Դստերս պսակադրությանը Հայաստանից միայն քույրս՝ Ալլան, կարողացավ ներկա գտնվել: Ինչ վերաբերում է նրանց գործունեությանը, քանի որ և՛ աղջիկս, և՛ փեսաս կրթության ոլորտից են, հիմնեցին «S and L Academy» դպրոցը: Իրենց անվան սկզբնատառերով է՝ «Saro and Lia»», — նշեց ՀՀ Վաստակավոր արտիստը:

 

Միացյալ Նահանգներում իր ունեցած մասնագիտական զբաղվածությունից դերասանը չի դժգոհում: Ասում է՝ զբավածությունն իրեն պահում է արդեն ապրելակերպ դարձած հաճելի լարման մեջ։ Ի դեպ, Հովհաննես Բաբախանյանն ԱՄՆ տեղափոխված այն քիչ արվեստագետներից է, որ հնարավորություն ունի նկարահանվել հոլիվուդյան աստղերի հետ:

 

«Կինո, նոր մենաներկայացում, համերգներ` այս ամենն իմ անբաժան առօրյայի մի մասն են կազմում: Հունիսի 10-ին կայացավ «Fake news» հոլիվռւդյան արտադրության ֆիլմի պրեմիերան, որտեղ ես նկարահանվել եմ Էրիկ Ռոբերթսի, Մարտին Քովի, Սոֆիա Միլոսի հետ: Մեկ տարի առաջ էլ Հայաստանում նկարահանվեցի Ռուբեն Քոչարի «Ինքնանկար» ֆիլմում: Այժմ Հայաստանից ունեմ երկու ֆիլմերում նկարահանվելու առաջարկ: Եթե ԱՄՆ-ում իմ մասնագիտությամբ չաշխատեի, դժվար կլիներ», — նկատեց մեր զրուցակիցը:

Գործնական ասպարեզում դերասանի ամենամեծ նպատակն այս պահին «Սայաթ-Նովա» գեղարվեստական ֆիլմն ավարտին հասցնելն է: Հովհաննես Բաբախանյանն այդ ֆիլմի ոչ միայն պրոդյուսերն է, այլև՝ Սայաթ-Նովայի դերակատարը:

 

Հեղինակ՝ Նելլի Մարգարյան

https://www.aysor.am/am/news/2019/07/01/Բաբախանյան/1582127

Be the first to comment on "ԱՄՆ-ում տեղի է ունեցել Հովհաննես Բաբախանյանի դստեր պսակադրությունը, նա ներկայացել է Սայաթ-Նովայի կերպարով (Լուսանկարներ)."

Leave a comment

Your email address will not be published.


*


ԴԻՏԵԼ