«Wanderlust» ճամփորդական ամսագիրը խորհուրդ է տալիս Հայաստան այցելելիս լինել 7 գրավիչ վայրերում

 

Բրիտանական «Wanderlust» ճամփորդական ամսագիրը առաջարկել է 7 գեղատեսիլ վայր, որն արժե տեսնել Հայաստան այցելելիս:

  1. Եղեգնաձոր

Եղեգնաձոր քաղաքը գտնվում է Հայաստանի հարավում, Վայոց ձորի մարզում: Մոտակայքում է գտնվում 13-րդ դարում կառուցված Նորավանք վանական համալիրը:

 

  1. Ջերմուկ

Ջերմուկը առողջարանային քաղաք է, որը գտնվում է Վայոց ձորի մարզում: Այն զբոսաշրջիկների շրջանում բավականին հայտնի է իր բուժիչ, հանքային ջրերով, իսկ ձմռանը այն վերածվում է դահուկասահքի համար հիանալի վայրի:

 

  1. Դիլիջան

Դիլիջանն առանձնանում է իր կլիմայական պայմաններով և էկոհամակարգով: Այստեղ է գտնվում Դիլիջանի Ազգային պարկը իր գեղեցիկ անտառներով: Դիլիջանը հաճախ անվանում են «Հայաստանի Շվեյցարիա»: Այստեղ է գտնվում նաև գեղատեսիլ Պարզ լիճը:

 

  1. Արագած լեռ

Արագածը 4 գագաթից բաղկացած լեռ է, որը տեսանելի է մայրաքաղաք Երևանից: Այն հիանալի վայր է մեկօրյա ճանապարհորդության համար, հատկապես եթե դուք սիրում եք լեռնագնացությամբ զբաղվել: Այստեղ կան ավանդական ռեստորաններ, որտեղ կարելի է համտեսել ավանդական խաշ և հիանալ տեսարանով:

  1. Գեղարդ

Գեղարդը միջնադարյան վանական համալիր է, որը գտնվում է Կոտայքի մարզում: Գեղարդը ՅՈՒՆԵՍԿՕ-ի համաշխարհային ժառանգության ցանկում է, մոտ է Երևանին և հարմար է մեկօրյա ճանապարհորդության համար:

 

  1. Տաթևեր

Տաթևերը աշխարհի ամենաերկար ճոպանուղին է՝ ձգվելով գրեթե 6 կիլոմետր Հալիձորի և Տաթևի վանքի միջև: Ճոպանուղով ուղևորությունը տևում է մոտավորապես 12 րոպե:

  1. Սևանա լիճ

Ամռանը Սևանա լիճ այցելելը լավ տարբերակ է քաղաքի տապից փախուստի համար: Այն Կովկասի ամենամեծ լիճն է և աշխարհում ամենամեծ քաղցրահամ լճերից է: Ջուրը մաքուր է և կապույտ: Այստեղ կան բազմաթիվ լողափեր, որտեղ դուք կարող եք պարզապես նստել և հանգստանալ:

https://armenpress.am/arm/news/980058.html

Be the first to comment on "«Wanderlust» ճամփորդական ամսագիրը խորհուրդ է տալիս Հայաստան այցելելիս լինել 7 գրավիչ վայրերում"

Leave a comment

Your email address will not be published.


*


ԴԻՏԵԼ