Սահմանադրությունը դուք եք գրել՝ հիմա ո՞ւմ վրա եք մուննաթ գալիս. Արմեն Սարգսյանը՝ նախկիններին

 

«Իրատես» թերթը գրում է. «Երբ նախագահ Արմեն Սարգսյանը ՍԴ անդամի թեկնածու առաջարկեց Վահե Գրիգորյանին, նախկին իշխանության ներկայացուցիչներ, որոշ քաղաքական գործիչներ նրան քննադատեցին՝ համարելով անսկզբունք:

Սակայն դիվանագետ Արմեն Սարգսյանը նեղ միջավայրում բավական դիպուկ է արտահայտվել այս առնչությամբ՝ նկատելով, թե նախկիններն են այդպիսի Սահմանադրություն գրել ու հրամցրել իրեն, որտեղ նախագահին ոչ մի լիազորությամբ չեն օժտել, հիմա ո՞ւմ վրա են մուննաթ գալիս, իրենց «հագով» գրած Սահմանադրությա՞ն:

Նախագահը նաև ընդգծել է, որ նախկին իշխանության ձեռամբ գրած մայր օրենքի համաձայն նախագահը համարվում է պետության գլուխ և հետևում է Սահմանադրությանը: «Հիմա ձիու վրա նստա՞ծ կհետևեմ, թե՞ նախագահականի աշխատասենյակից, իմ հայեցողությանն է թողած»,- փաստել է նախագահը:

Ասել է՝ անգամ հստակ դրույթներ չկան, թե ինչպես պետք է նախագահը հետևի Սահմանադրությանը, դրա համար էլ Արմեն Սարգսյանն իր իմացածով ու գիտեցածով է առաջնորդվում»:

Առավել մանրամասն՝ թերթի այսօրվա համարում:

slim.am

Be the first to comment on "Սահմանադրությունը դուք եք գրել՝ հիմա ո՞ւմ վրա եք մուննաթ գալիս. Արմեն Սարգսյանը՝ նախկիններին"

Leave a comment

Your email address will not be published.


*


ԴԻՏԵԼ