Զինծառայողը ինքնասպանություն է արել սիրած աղջկա համար. նոր մանրամասներ.

 

Aravot.am-ի տեղեկություններով, այսօր վաղ առավոտյան Միքայելյան վիրաբուժության ինստիտուտ հրազենային վիրավորումով տեղափոխված ու մահացած պայմանագրային զինծառայողը Կոտայքի մարզի Զովք գյուղից էր: Մահացածը 24 ամյա Նարեկ Սաֆարյանն է:

Նախնական տեղեկություններով՝ նա ինքնասպանություն է կատարել: Ծոցագրպանում, իսկապես, երկտող է թողել, առայժմ դրա բովանդակության մասին լռում են: Երկտողը, ըստ գյուղի նախկին ղեկավար Նորիկ Գեւորգյանի, քննիչների մոտ է: Նարեկ Սաֆարյանն ունի երկու քույր, մեկ եղբայր, որը ծառայում է Արցախում:

Կայքի տեղեկություններով՝ Նարեկ Սաֆարյանը ուսանող էր, սովորում էր ԱԻՆ-ի ճգնաժամային կառավարման պետական ակադեմիայում: Նախկին գյուղապետի բնորոշմամբ՝ նա խելոք, աշխատասեր տղա էր, հասարակ ընտանիքից. ըստ նրա՝ գյուղում չեն հավատում կատարվածին, նրանց էլ է լուրը հասել, որ դեպքը ինքնասպանություն է:

Այս պահին, ըստ գյուղապետի՝ շրջանառվում է մի վարկած՝ ինքնասպանություն սիրած աղջկա համար:

https://www.armdaily.am/news/20886.html?lang=hy

Be the first to comment on "Զինծառայողը ինքնասպանություն է արել սիրած աղջկա համար. նոր մանրամասներ."

Leave a comment

Your email address will not be published.


*


ԴԻՏԵԼ