Ծառերի համատարած սպանդ Կոտայքի մարզում. Աբովյան քաղաքում պոլիկլինիկա կառուցելու անվան տակ 80-ից ավելի առողջ եղևնիներ են վերացվել. սեփականատեր ներկայացած երիտասարդը ինքնավստահ հայտարարում է՝ «Իմն են՝ կտրել եմ». ՖՈՏՈՌԵՊՈՐՏԱԺ

 

Կառավարության նիստերից մեկի ժամանակ վարչապետ Նիկոլ Փաշինյանը խիստ հանձնարարականներ էր տվել, որպեսզի հանրապետությունում բացառվի ծառերի սպանդը ու այդ հանձնարարությունից հետո իրավասու մարմինները, այդ թվում՝ ոստիկանությունը, դատախազությունը, Ազգային անվտանգության ծառայությունը ակտիվ պայքար սկսեցին ապօրինի ծառահատումներ կատարողների դեմ, ինչը իր դրական արդյունքը տվեց: Մինչդեռ հանրապետությունմ կան անհատներ, ովքեր միևնույն է՝ եթե իրեն ցմտքին դրե են որ օեստռ ք է կառարեն ծառերի սպանդ, ապա կատարում են:

Երեկվանից SHAMSHYAN.com-ը Աբովյան քաղաքի բնակիչներից բազմաթիվ ահազանգեր է ստանում, ովքեր իրենց վրդովմունքն են հայտնում, թե ինչպես են 1-2 օրվա ընթացքում Աբովյան քաղաքում բնից հատվել 80-ից ավելի եղևնիներ:

Ինչպես տեղից հայտնում է ֆոտոլրագրող Գագիկ Շամշյանը, նշված հատվածը Աբովյան քաղաքի 3-րդ միկրոշրջանի տարածքում է և այն համարվում է անհատական սեփականություն և տերն էլ, հաշվի չառնելով տեղական իշխանությունների ու համաքաղաքացիների շրջանում արդարացի դժգոհությունները, ծառերի սպանդ է իրականացրել: Ֆոտոլրագրողի տեղեկություններով՝ փաստի առթիվ դատապարտող հայտարարությամբ է հանդես եկել Աբովյանի քաղաքապետարանը, իսկ ոստիկանության Կոտայքի բաժնում նյութեր են նախապատրաստվում: Այսօր՝ ապրիլի 7-ին, երբ տեսանկարահանում էինք ամբողջովին կտրված ծառերը, մի երիտասարդ Mercedes մակնիշի 39 AՍ 999 համարանիշի ավտոմեքենայով բարեհաճեց դեպքի վայր և ինքնավստահ հայտարարում էր, որ տարածքը իրենն է , ինքը ոչ մի անօրինական գործողություններ չի կատարել և այդ վերացված ծառերի տեղը կառուցելու են պոլիկլինիկա:

Ֆոտոլրագրողի տեղեկություններով՝ որպես սեփականություն տարածքը պատկանում է քաղաքացու, սակայն թե՛ Կոտայքի մարզպետարանը, թե՛ Աբովյանի քաղաքապետարանը նրան ոչ մի շենք-շինություն կառուցելու թույլտվություն չեն տվել:

Հետևաբար, եթե նա թեկուզ ծառերը կտրած լինի ոչ օրինական ճանապարահով, ապա շենք–շինություն կառուցելու իրավունք չունի:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

 

Լուսանկարները՝ Գագիկ Շամշյանի

© shamshyan.com https://shamshyan.com/hy/article/2019/04/07/1121695/

Be the first to comment on "Ծառերի համատարած սպանդ Կոտայքի մարզում. Աբովյան քաղաքում պոլիկլինիկա կառուցելու անվան տակ 80-ից ավելի առողջ եղևնիներ են վերացվել. սեփականատեր ներկայացած երիտասարդը ինքնավստահ հայտարարում է՝ «Իմն են՝ կտրել եմ». ՖՈՏՈՌԵՊՈՐՏԱԺ"

Leave a comment

Your email address will not be published.


*


ԴԻՏԵԼ