Արտակարգ դեպք Կոտայքի մարզում. «իրավաբանությունից ջոգող տղան»

 

Այսօր՝ ապրիլի 7-ին, ավտովթար է տեղի ունեցել կոտայքի մարզում: Ժամը 07:30-ից — 08:30-ն ընկած ժամանակահատվածում ոստիկանության Կոտայքի բաժին ահազանգ է ստացվել, որ Երևան-Սևան ավտոճանապարհի 22 կմ հատվածում վիճաբանություն է տեղի ունենում քաղաքացիների միջև:

Картинки по запросу ոստիկանության կոտայքի բաժին

 

Ինչպես դեպքի վայրից հայտնում է ֆոտոլրագրող Գագիկ Շամշյանը, դեպքի վայր են մեկնել ոստիկանության Կոտայքի բաժնի եւ ոստիկանության Բյուրեղավանի բաժանմունքի օպերատիվ խմբերը, ովքեր պարզել են, որ գիշերը ժամը 00:30-ի սահմաններում Երևանի բնակիչ, 34-ամյա Գևորգ Հակոբյանը իր վարած «ՋԻՊ» «Grand Cherokee» մակնիշի 03 ՕՕ 013 համարանիշի ավտոմեքենայով Երևան-Սևան ավտոճանապարհի նշված հատվածում, դեպի Երևան ընթանալիս, դուրս է եկել ճանապարհի երթևեկելի գոտուց, բախվել երկաթե արգելապատնեշներին, կոտրել այն:

Картинки по запросу ոստիկանության կոտայքի բաժին

 

Ըստ նախնական տեղեկությունների, վթարի հետեւանքով բարեբախտաբար զոհեր եւ վիրավորներ չկան: Դեպքի վայրում հավաքվածներն ասում էին, վարորդն ավտոմեքենան թողել է դեպքի վայրում, առավոտյան վերադարձել է նշված վայր, ու այդ ժամանակ նշված վայրով անցնող մի քաղաքացի տեսել է վթարված ավտոմեքենան, կանգնել եւ իր օգնությունն է առաջարկել, սակայն վարորդ Գ. Հակոբյանը վիրավորական արտահայտություններ է արել իրեն օգնության ձեռք մեկնող քաղաքացուն, ու մի քանի հատ էլ «մուշտի է տվել»:

Գ.Շամշյանի տեղեկություններով՝ վթարի փաստով նյութեր են նախապատրաստվում ՃՈ 2-րդ սպայական գումարտակի 3-րդ վաշտի հետաքննիչ Ռուբեն Գևորգյանի կողմից, իսկ ծեծկռտուքի փաստով նյութեր են նախապատրաստվում ոստիկանության Կոտայքի բաժնում:

Картинки по запросу ճո

Հավաքվածներն ասում էին նաեւ, որ վարորդը տեսնելով, որ ժամանում են ոստիկանները, հավաքվածներին ասել է. «Ես հայտնի փաստաբան եմ, իրավաբանությունից լավ էլ ջոգող տղա եմ, ես գնում եմ, պետք լինեմ կամ կհրավիրեք, կամ ծանուցագիր կուղարկեք հետեւիցս»:

Ֆոտոլրագրողը հայտնում է, որ հարվածի արդյունքում «Ջիպ»-ի անվահեծաններից մեկը կոտրվել է:

Լուսանկարները՝ Գագիկ Շամշյանի

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

https://shamshyan.com/hy/article/2019/04/07/1121682/

Be the first to comment on "Արտակարգ դեպք Կոտայքի մարզում. «իրավաբանությունից ջոգող տղան»"

Leave a comment

Your email address will not be published.


*


ԴԻՏԵԼ