Հայաստանը կարող է տարածաշրջանային տեխնոլոգիական հանգույց դառնալ. Իվոն Չուն՝ Տիգրան Ավինյանին

 

ՀՀ փոխվարչապետ Տիգրան Ավինյանը մարտի 25-ին ընդունել է Տեղեկատվական տեխնոլոգիաների և ծառայությունների համաշխարհային դաշինքի (ՏՏԾՀԴ) նախագահ Իվոն Չուին:

Ողջունելով հյուրին՝ Տիգրան Ավինյանը նշել է, որ Տեղեկատվական տեխնոլոգիաների 23-րդ համաշխարհային համաժողովը (WCIT 2019) Հայաստանի համար տարվա կարևորագույն միջոցառումներից է և  կազմակերպվելու է ամենաբարձր մակարդակով:

 

Ինչպես տեղեկացրին ՀՀ փոխվարչապետ Տիգրան Ավինյանի գրասենյակից, շնորհակալություն հայտնելով ընդունելության համար՝ Իվոն Չուն ասել է, որ տպավորված է Հայաստանի տեխնոլոգիական ներուժով և կարծիք հայտնել, որ երկիրը կարող է տարածաշրջանային տեխնոլոգիական հանգույց դառնալ: Նա հավելել է, որ մեծ հետաքրքրություն կա Հայաստանում հոկտեմբերին անցկացվելիք Տեղեկատվական տեխնոլոգիաների համաժողովի նկատմամբ և բոլոր նախադրյալները կան, որպեսզի այն լավագույններից մեկը լինի:

Փոխվարչապետ Տիգրան Ավինյանն անդրադարձել է Հայաստանի ներդրումային և գործարար միջավայրին՝ ներկայացնելով նաև Հայաստանում գործունեություն ծավալող ընկերությունների մրցակցային առավելությունները: Նա ընդգծել է, որ WCIT 2019 հիանալի հնարավորություն է Տեղեկատվական տեխնոլոգիաների և ծառայությունների դաշինքի 82 անդամ-երկրների գործարարների համար ավելի լավ ուսումնասիրելու Հայաստանը, բացահայտելու ներդրումային հնարավորությունները, ինչպես նաև շահավետ փոխգործակցություն հաստատելու հայաստանյան ընկերությունների հետ:

 

Հանդիպման ընթացքում Տիգրան Ավինյանը  փոխանցել է ՀՀ վարչապետ Նիկոլ Փաշինյանի՝ Տեղեկատվական տեխնոլոգիաների 23-րդ համաշխարհային համաժողովին մասնակցելու հրավերները՝ ուղղված Acer ընկերության հիմնադիր Սթեն Շիին  և ՏՏԾՀԴ նախագահ Իվոն Չուին:

http://armday.am/post/79630/hajastany-karogh-e-taratsashrjanajin-tekhnologiakan-hango-jts-darnal-ivon-cho-n-tigran-avinjanin

Be the first to comment on "Հայաստանը կարող է տարածաշրջանային տեխնոլոգիական հանգույց դառնալ. Իվոն Չուն՝ Տիգրան Ավինյանին"

Leave a comment

Your email address will not be published.


*


ԴԻՏԵԼ